സൃഷ്ടികള്‍

ഒരായിരം പൂക്കള്‍ പൂത്തത് പോലെ

വാനം നീളെ താരകങ്ങള്‍, താരാട്ടാടി ഉറങ്ങിടുന്നു

ഒരുവേള എന്‍ കുഞ്ഞു മകളെ അറിയ നീ

അരുണോധയത്തിലെആദിത്യനും ,ഒരു കുഞ്ഞു താരമാണെന്നറിയു

ഈ ചെമ്പകത്തിന്റെ ചില്ലയില്‍ മിന്നുന്ന

ഈ കുഞ്ഞു താരവും സൂര്യനാണോ പറയൂ ഒന്നെന്‍ പ്രിയനേ അച്ഛാ

 .

മിന്നുന്നതെല്ലാം താരാ ഗണമല്ല

ഒരു കൊച്ചു മിന്നാമിനുങ്ങിയതു പ്രകൃതീശ്വരിയുടെ സൃഷ്ടിയത് 

ആ കാണും കരി വണ്ടില്‍ എന്തെ എന്നച്ചാ

മിന്നും വെട്ടവും എന്തെയില്ലാ?അതുമൊരു നൈസര്‍ഗ സൃഷ്ടിയല്ലേ ?

ഒന്നറിയൂ നീ എന്‍ മകളെ

ഭിന്നമായുള്ളൊരു ഭുവനമിതു ഭിന്നമാണിവിടുത്തെ സൃഷ്ടികളും

മിന്നാമിനുങ്ങിനു പൊന്‍ വെളിച്ചം

കരിമുകില്‍ വണ്ടിന് എഴഴക്! ഇതരമായുള്ളൊരു പാടവങ്ങള്‍!

എന്തിനാണെന്നച്ചാ വ്യത്യസ്ത സൃഷ്ടികള്‍

എല്ലാം ഏകമായി തീര്‍ത്തുകൂടെ , അപ്പോള്‍ ഏവരും സമരവില്ലേ ?

നോക്കി അറിയൂ നീ ഹൃത്തിലേക്ക്

ജഗത്തിലെ  കര്‍മങ്ങള്‍ എത്രയത്രേ !വെവ്വേറെകഴിവുകള്‍ വേണ്ടെയപ്പോള്‍

നമ്മുടെ പ്രാപ്തികള്‍ പാകപെടുത്തി നാം

സേവിച്ചീടുക ഈ ജഗത്തെ പ്രബലീകരിക്കുക ഈ ജഗത്തെ ..