അത്ത പുലരി പുണ്യം തൂകി
അത്ത സുര്യന് ഉദിച്ചുയരുന്നേ !
പത്താം സുര്യന് ഉദിച്ചുണരുമ്പോള്
നാടും മേടും തിരുവോണത്തില് !
ഓണ കോടി ലിസ്റ്റുകള് വന്നു
പത്തും ഇരുപതും പേരുകളുണ്ടതില്
കോടിക്കാണേല് കോടികളാവും
പച്ചക്കറികള് പച്ചയ്ക്കരിയും
പാലുകള്,തൈരുകള്,വെണ്ണകളീവഹ
മറ്റൊരു കൂട്ടം പൊന്നിന് വിലയില്
ഓണ പൂക്കളം അത്തം തൊട്ടേ
തിരുവോണത്തിനോ ദശ പുഷ്പങ്ങള്
തുമ്പകള് തുമ്പികള് ശീവോതികളും
തുമ്പിനുമില്ല തൊടികളിലെങ്ങും
കിട്ടും ഡാലിയ ജമാന്തികളീ വഹ
അണ്ണനു റൊക്കം കാശു കൊടുത്താല്
ഉള്ളില് നുരയും കര്ഷക ഭീജം
നട്ടു വളര്ത്തിയ വാഴ ചെടിയിലെ
നാലില വെട്ടി ഉണ്ണാന് മോഹം
അപ്പോള് പുത്രി തടയണയിട്ടു
വരുമന്നെന്ന്റെ ആത്മ സഖികള്
ഈയില ഒട്ടും ഫാഷന് പോരാ
ഉച്ചയ്ക്കുണ്ണാന് ഇല വെണെന്നാല്
വാങ്ങിച്ചോളൂ പേപ്പര് ഇലയെ
തിരുവോണത്തിന് പുത്തന് ചാനലില്
പുത്തന് പടമാണയ്യയ്യോ!!
പത്നിക്കുണ്ടൊരു പുത്തനുണര്വ്
വച്ചു തന്റെ കൊച്ചു ഡിമാന്റ്റ്
ഓണ സദ്യ പാര്സലിലാക്കാം
അല്ലേല് പടവും പകുതിയിലാവും
ഈ വക കേട്ടെന് ഉള്ളം തേങ്ങി
ഉറപ്പിച്ചോണം കടത്തിന് കയ്യില്
മണ്ടിയിറങ്ങി വീട്ടിന് പടികള്
മുട്ടാനായുണ്ടേറെ വാതില്
ഇറങ്ങും നേരും പിന്വിളി കേട്ടു
കട വഴിയാണേല് ഇതു വാങ്ങിച്ചോ
നല്ലൊരു പാലട പായസം മിക്സ്ചര്
ഒന്നും മോഴിയതോടി ഇറങ്ങി
കാണാം വിറ്റും ഓണം ഉണ്ണാന്
പൂര്വികന് മാരതു ചൊല്ലിയതല്ലേ
